BCKS Nyitak Calon Kepsek nu Kompetén

BANDUNG, galura.pikiran-rakyat.com -Balai Besar Guru dan Tenaga Kependidikan (BBGTK)  Provinsi Jawa Barat luyu jeung instruksi ti Kementerian Pendidikan Dasar & Menengah (Kemendikdasmen), Jumaah (28/08/2026) ngayakeun Pelatihan Bakal  Calon Kepala Sakola (BCKS) Gelombang 2, jeung pelatihan tenaga kependidikan.

Ieu kagiatan  mareng jeung ditutupna Pelatihan Program Peningkatan Kompetensi Guru Sakola Dasar dalam Mengajar Basa Inggris  (PKGSD-MBI). Kagiatan BCKS sajabar, diluuhan ku  Unit Pelaksana Teknis (UPT) séjénna ku cara daring,  di antarana, Balai Guru & Tenaga Kependidikan (BGTK) Aceh, BGTK Lampung, BGTK Gorontalo, BGTK Jawa Tengah jeung BBGTK Sulawesi  Selatan.

Dirjen Guru & Tenaga Kependidikan (Dirjen GTK), Nunuk Suryani, nétélakeun, tepi ka ahir Agustus 2026, aya 5.704 urang nu geus milu Pelatihan BCKS. "Di antarana 3.033 pamilon biayana ditangkes APBN, 2.671 biayana ditanggung APBD," pokna. Rukun gawé pamaréntah puseur jeung pamaréntah daérah, udaganana nyiptakeun calon kepala sakola nu kompetén, geus ngahontal nilai 80 %. 

Nunuk, ngécéskeun ti Jawa Barat mah pamilonna baris nambahan, lantaran sajumlah pelatihan nu biayana ditangkes ku APBD Provinsi Jabar, masih dina prosés séléksi substansi.

Baca selengkapnya